Dychwelyd i fynegair dataganiadau i'r wasg  

Fel mae gwrthwynebiad y cyhoedd yn cynyddu’n ddyddiol yn erbyn gorchuddio ucheldiroedd Cymru gyda thyrbinau gwynt, mae YDCW wedi herio Gweinidog dros yr Amgylchedd, Cynllunio a Chefn Gwlad, Carwyn James a’r Gweinidog dros Ddatblygiad Economaidd, Andrew Davies i arbrofi eu cred mai cynhyrchiad gwynt atraeth yw’r ffocws orau ar gyfer cynlluniau ynni adnewyddadwy Cymru i’r dyfodol, mewn dull mwy agored.
 
Gyda Llywodraeth y Cynulliad wedi derbyn dros 1700 o wrthwynebiadau i’w cynigion diweddar i drawsnewid ucheldiroedd Cymru yn orsafoedd pwer gwynt diwydiannol a’r niferoedd o AC ac AS yn cydnabod gwiriondeb cynigion Llywodraeth y Cynulliad yn cynyddu, mae Cyfarwyddwr YDCW wedi herio’r Gweinidogion i arbrofi hygrededd eu cynigion yn decach ac yn agored;
 
‘Mae cryfder ymateb y cyhoedd ynglyn â cholli treftadaeth tirlun Cymruyn cynyddu ac yn sicr yn fesur o wrthod cynigion y Gweinidogion. Os ydynt yn ddigon dewr, fe ddylsent ganiatau barn gyhoeddus ynglyn ag agenda Ynni Adnewyddadwy Cymru’r dyfodol gael ei arbrofi’n agored ac yn deg drwy Ymholiad Cyhoeddus.
 
Petai unrhyw bolisiau mor ddadleuol ac mor bell-gyrhaeddol eraill o’r fath yma’n cael ei hyrwyddo gan unigolyn neu Awdurdod Lleol byddant yn ddiau’n destun archwiliad manwl mewn Ymholiad Cyhoeddus. Pam fod y Cynulliad yn wahanol ac yn bwysicach pam nad ydynt yn barod i gydymffurfio â’r un rheolau sy’n berthnasol i eraill ?”
 
Mae gwrthwynebiadau YCDW tuag at fasnachu ucheldiroedd Cymru ar gyfer cynlluniau pwer gwynt wedi cael ei adleisio’n ddiweddar gan yr AS Kim Howells a gyfeiriodd at gynnydd ffermydd gwynt
 
“… fel gwallgofrwydd… Nid yw hon yn ffordd dda i gynhyrchu fel y gelwir ganddyntt – “ynni gwyrdd” – ac mae’n lygredd gweledol ar dirluniau Cymru”
 
Mae her YDCW tuag at y Gweinidogion hefyd yn cael ei adleisio gan Roger Williams AS dros Brycheiniog a Maesyfed sydd yn yr un modd wedi ysgrifennu at Carwyn Jones ac yn credu
 
“Yn unol â’i natur nid yw TAN 8 yn debyg i unrhyw Arweiniad Cynllunio cenedlaethol arall, gan ei fod yn dynodi ardaloedd penodol ar gyfer datblygiad. Ac o’r herwydd dylai’r cyrff hynny â diddordeb a pherthynol fod gyda’r hawl i alw am ymholiad cyhoeddus ar y mater hwn”
 
Nodiadau i'r Golygydd:

Am wybodaeth pellach cysylltwch os gwelwch yn dda gyda Peter Ogden, Cyfarwyddwr, ar 01938 552525

Mae YDCW yn ddigamsyniol wedi gwrthod cynigion diweddar Llywodraeth y Cynulliad i benodi saith ardal Ymchwiliad Strategol ar draws Cymru ar gyfer datblygiad ffermydd gwynt maint diwydiannol. Mae’n herio cyfreithlondeb agwedd polisi drafft gyfredol a gynhwysir yn y ddogfen MIPPS a TAN 8.
 
Mae YDCW yn ystyried bod yr agwedd gyfredol yn anochel yn adeiladu tuag at y targed hunangyflawnol o gynhyrchu 800 MW o ynni adnewyddadwy oddi wrth ffynonellau pwer gwynt atraeth a’i anghydbwysedd digyfiawnhad gyda’r cynhyrchiad pwer 200 MW oddi wrth ffynonellau gwyntoedd alltraeth.
 
Mae rhesymau YDCW dros gael ail-werthusiad radical o’r agwedd gyfredol yn cael eu crynodi fel a ganlyn :.
1. Mae MIPPS yn methu ag adlewyrchu egwyddorion ac ymarferion cadarn cynllunio defnydd tir
2. Nid yw cyfreithlondeb targed ynni adnewyddadwy wedi ei brofi.
3. Mae cydbwysedd darpariaeth ynni adnewyddadwy’r dyfodol wedi’i gamliwio.
4. Mae’r cyfraniad y gall pwer gwynt alltraeth ei gynnig wedi ei gamgynrychioli.
5. Mae’r cyfraniad a gynigir gan fesurau cadwraeth ynni a thechnolegau adnewyddadwy wedi ei wrthod yn annheg.
6. Nid yw’r agwedd yn rhoi cydnabyddiaeth deilwng i werth tirluniau Cymru.
7. Nid yw’r agwedd yn cydymffurfio â’r safonau cynaladwyaeth a osodir gan Reolau Asesiad Amgylcheddol Strategaethol y Cynulliad ei hun.
8. Mae’r agwedd yn gwrthdaro â pholisiau cynaladwyol eraill y Cynulliad.
9. Mae’r agwedd awdurdodol yn mynd yn groes i egwyddorion Cynhadledd Århus.

Mae YDCW yn ddibynnol ar roddion a thanysgrifiadau gan gefnogwyr ar gyfer ei waith hanfodol i ddiogelu y tirlun ac amgylchedd Cymru.  Mae YDCW yn Elusen Gofrestredig (rhif 239899). Gallwch rhoddi neu tanysgrifio
Ffôn: 01938 552525 / 01938 556212	Ffacs: 01938 552741	E-bost:    info@cprw.org.uk

www.cprw.org.uk/press/gc151204.htm